Hetê Tevgera Jinên Azad-TJA ra mabênê tarîxanê 28-29ê gulane de Merkezê Kongre yê Amedî de Konferansê Parlamenteran ê Cinîyan ê Kurdan o Yewin ame kerdene. Konferanso ke bi şîarê ‘’Ma sîyasetî demokratîk bikerê, komelê demokratîkî înşa bikerê’ ame organîzkerdene kerdene Kurdîstan, Ewropa û Rojhelatê Mîyanênî ra xeylê wekîlê cinîyî yê kurdî tewrê ci bîyî.

Roja diyîne ya konferansî de atolyeyî ameyî organîzekerdene û dima ra encamname ame wendene. Emcamname de nê ameyî parekerdene:

“Cografyaya Kurdîstanî ke tim hedefê hêzanê kapîtalîstan, dewletanê neteweyan û rejîmanê şerî de ya, ma cinîyê kurdî her parçe de raştê qirkerdişan ameyî. Şerê serdestan vera cinîyan ê kurdan sey qirkerdişê cinîyan yeno rayraberdene. Ma cinîyê ke tim semedê ziwan, kultur û nasnameyê xo têkoşîn kenê û çirey peyser game nêerzenê, ma do têkoşînê xo ramojnê heme Rojhelatê Mîyanênî û dinya.

Têkoşînê cinîyan ke Vakurî ra bi berz Rojawan de bi modelo newe yê cuye. Başûr de serewedaritişê cinîyan ê vera qetilkerdişê cinîyan beno gird, Şingal de rêxistinkerdişê cinîyan vera qirkerdişan bi cewab. Şexsê Jina Emînî de vateyê ‘Jin, jiyan, azadî’ ê cinîyan ê kurdan Rojhelatî ra resa heme dinya. Cinîyan ê kurdan bi modelê xo yê pawitişê cinîyan rayîrê xo yê înşakerdişê azadîye û hîra kerdî.

Mîna Qazî ra heta Leyla Qasim, Sakîne Cansiz ra heta Hevrin Xelefê… Şexsê înan de çar parçeyan de serewedaritiş û tarîxê azadîye cinîyan mojneno pêro dinya ke ma dest pê mûntişê ci kerd ke na seserre bikerê ronesansê cinîyan. Nê rojan de ke Kurdîstan û Rojhelatê Mîyanên bertengo tarîxkî de yo kerdişê konferansê ma muhîm o. Cinîyê kurdan ke ameyî tepiştene, qetilkerdene, surgunkerdene vîr û tecrübeyê înan tarîxê têkoşînê înan ê. Nê konferansî de ma senî eşkenê ameyoxê yê hemparî bimûnê ma nê serî vindertî.

Ma do destkewteyanê xo bipawê

Ma konferansê xo de nê ser munaqeşe kerd ke sîyasetê demokratîkî de cinîyê kurdî bi têkoşînê xo yê hemparî senî sîyasetê camêrd serdestî bedilnenê. Tecrubeyê ma yewbînan rê bîyî pird. Ma cinîyî sey îrade û hêzê pawitişî yê cuya azade do parlamento ra heta her warê cuye vera şîdetê camêrd-dewlete û poltîkaya qirkerdişê cinîyan têkoşîn bikerê. Ma do vera hêrişan bibê pawitiş û vîrê yewbînan. Ma do destkewteyanê xo yê sey Pêkerdişê Îstanbulî, CEDAW, Belgeyê Şorişê Cinîyan ê Rojawanî, NY1325, hemserekîye û temsîlîyeto seyyewbînî bi rêxistinkerdişî bipawê, înşa bikerê.

Kurdîstan de ronesansê cinîyan

Bi vengdayîşê haştîye û komelê demokratîkî yê Birêz Ocalanî înşayê haştîye de rolo serkêş û berpirsîyarîya ma parlamenteran ê cinîyan ê kurdan muhîm a. Çunke cinîyê kurdan bi vate, çalaki û têkoşînê xo eşkenê paştî bidê yewîya kurdan. Ma bi yewkerdişê hêzê têkoşînê xo azadîye û seyyewbînîya cinîyan bîyarê ca. Senî ke serdestîya camêrdan hêrişê cinîyan kena ma zî sey cinîyan bi têkoşîn û rêxistinîya xo eşkenê verê nê sîstemî bîgîrê. Konferansê ma qeraro tarîxkî girew ke do parlamenterê cinîyî yê kurdî yewîye û torranê xo yê rêxistinkerdişî pê bîyarê û xebatanê xo wina rayra bêrê.”

Bade wendişê encamnameyî cinîyan yew fekî ra slogana “Jin, jiyan, azadî” vatê.