Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:

‘’Embazê ma Ozgure û Besê yê ke fedayîyê esîlî yê xeta milîtanîya Apoyîye yê, 21ê çeleyê 2025î de hêrişê artêşa tirke ya îşxalkere de şehîd bîyî.

Embazanê ma Ozgure û Besê heta nefesê xo yê peyênî vi fedayîtî şer kerd û tarîxê ma yê rûmetênî de cayê xo girewt. Ma sere de keyeyanê nînan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke vîrameyîşê şehîdanê xo bipawê û armancê nînan ser bivisnê.

Nasnameyê embazanê ma yê şehîdan wina yê:

Embaza ma Ozgure Serêkanîyê de dadîya xo ra bena. A wextê hêrişanê DAÎŞî yê vera Rojawanî de tewra têkoşînî bena. 3 serran ra dima 2015 de zî a tewra gerîlayan bena. A bi tecrubeyanê xo vernîya cepheyê şerî de cagêna. A sey gerîlayêka YJA-Starî ya serkêşe tewra Hêzanê Taybetan bena. Embaza ma tim kena ke biba layîqa têkoşînê şehîdan û xeta Rayber Apoyî. A Herêma Şehîd Delîlî ya Rojawanê Zapî de derbanê giranan dana dişmenî ro û şehîd bena.

Embaza ma Besê Mûş de dadîya xo ra bena. A wexto ke Wan de zanîngehî wanena tewra xebatanê ciwanan bena. Cigêrayîşan û Xoverdayîşê Kobanê ra dima a 2015 de verê xo dana koyan. Embaza ma Besê cade adapteya koyan bena û dima tewra Hêzanê Taybetan bena. Embaza ma bi perwerdeyan xo aver bena û bi xurtî têkoşîn kena. Embaze Besê bi kedanê pîlan têkoşînî aver bena. A pêro erk û mesuldarîyanê xo bêkêmasî ana ca û şehîd bena.’’