Wezîrîya Karanê Teberî ya Brîtanya ra eşkerayîya PKKyî
Wezîrîya Karanê Teberî ya Brîtanya qerarê qedînayîşê têkoşînê çekdarî yê PKKyî semedê şarê Tirkîya û herême sey gama muhîme hesibna û semedê azadîya Rayber Apoyî berpirsîyarîye eşt milê Tirkîya.
Wezîrîya Karanê Teberî ya Brîtanya bi eşkerayîyêke cewab da mektubê Komîteya Karanê Teberî yê Meclîsê Kurdan yo ke derheqê qeraranê kongreya PKKyî de şawit bi.
Eşkerayîye de bale ameye antene sere tekîlîya stratejîke ya Îngîlîstan û Tirkîya ser û ame
vatene ke averşîyayîşê peyênî hetê înan ra yenê teqîpkerdene. Wezîrîye qerarê qedînayîşê têkoşînê çekdarî yê PKKyî semedê şarê Tirkîya û herême sey gama muhîme hesibna vat ê paştî dane cehdkerdişê kêmkerdişê pêkewtişan û teşvîkerdişê îsîtîkrarî. Eşkerayîye de dîya zanayene ke wezîranê îngîlîzan pêvînayîşanê xo yê peyênan bi selahîyetdaranê tirkî de qerarê xo feskerdişî yê PKKyî zî tede xeylê babetî girewtî dest û ame vatene ke qerarê tepiştişî yê Rayberê Şarê Kurdî Abdullah Ocalanî hetê hukmê tirkî ra ameyo dayene û semedê azadîya Rayber Apoyî berpirsîyarîye erzîyaye milê Tirkîya.
