Fermandarîya Pêroyî ya Hêzanê Asayîşê Zereyî yê Rojawanî bi eşkerayîyêke pare kerd ke rayîrê Reqa-Hesekê de noqtayêka kontrolî ameya hedefkerdene.

Fermandarîye vat: ‘’Wexto ke wesayîtê hêzanê ma rayîr a vîyartêne ameyo hedefkerdene. Hêriş de hîrê endamê ma şehîd bîyî û tayê embazê ma birîndar bîyî. 

Nê prosesî de ke têgêrayîşê DAÎŞî zêdîyayê no hêriş ame kerdene. No hêriş aramî û haştîya herême kerde hedef. 

Ma şehîdanê xo bi rêzî yad kenê û soz danê ke wayîrê têkoşînê înan vejîyê. Ma do heta peynî vera DAÎŞî têkoşîn bikerê û erdê xo nê çeteyan ra pakî bikerê.’’