Rêxistina Heqanê Merdiman a Kurdîstanî raporê xo yê gulana 2025î de da zanayene ke Rojhelatê Kurdîstanî de mîyanê mengêke de tewr tay 10 cinîyî ameyê qetilkerdene û 9 cinîyan rê zî xokiştiş ameyo ferzkerdene.

Rapor de ame parekerdene ke şîdetê vera cinîyan bi hawayêkê sîstematîkî dewam keno.

Rêxistina Heqanê Merdiman eşkera kerd ke serra 2024î de Rojhelatê Kurdîstanî û Îran de 158 cinîyî ameyê qetilkerdene û 16 hezar û 567 cinîyî zî raştê şîdetê zereyê keyeyî ameyê.