Çimeyanê Meclîsê Pêroyî yê taxanê Şêxmeqsûd û Eşrefîyê yê Helebî pare kerd ke 28ê gulane de teqasê esîr û tepişteyan ewro ancî dest pêkeno.

1ê gulane de peymana bi 14 madeyan amebî îmzakerdene. Goreyê madeya 12ine ganî teqas biameyêne kerdene la 28ê gulane de seba ke rejîmê Şamî şerwanê YPJyî nêverdayî teqas vindertibi.

Pêvînayîşê vizêrînî yê mabênê Îdareyê Xoserî û Şamî de babete ancî bibî rojdem û ame waştene ke wa mesele bi haştîye û aramîye bêra çareserkerdene.

Ganî 290 esîr û 176 tepişteyî bêrê teqaskerdene. Heta nika 97 kesî ameyî veradayene.