Temsîlkarê QSD, MSD, Îdareyê Xoserî û Konseya Demokratîke ya Sûrîye seba caardişê peymana ke Şamî reyde amebî îmzakerdene kom bîyî. Kombîyayîş de amadekarîyê konferansê neteweyîyî zî ameyî nîqaşkerdene.
Temsîlkarê QSD, MSD, Îdareyê Xoserî û Konseya Demokratîke ya Sûrîye seba caardişê peymana ke Şamî reyde amebî îmzakerdene kom bîyî.
Merkezê Îrtîbatî û Çapemenîye yê QSDyî derheqê babete de eşkerayîyêke daye û da zanayene ke kombîyayîş de caardişê madeyanê Peymana 10ê Adare, zîyaretê Şamî, hemkarîya seba têkoşînê vera DAÎŞî, rewşê kampan û zîndanan ameyî nîqaşkerdene.
Beşdaranê kombîyayîşî bira wedaritişê ambargoyî ya Amerîka û Yewîya Ewropa zî selam kerde û bale ante ser ke ganî Sûrîye newe ra bêra awankerdene, koçberî û multecîyî bi zerrîtehetî abigêrê.
Peynîya kombîyayîşî de bire dîyaye de konferansêko neteweyî wa bêro kerdene ke tede Peymana 10ê Adare zî bêra nîqaşkerdene.
