Endamê Heyetê Weşanî yê Kovara International Socialismî ya ke hîrê mengan de rayêke vejîyena û tede ca dîyeno teorîyanê sosyalîstan û Temsîlkarê Actual Marxî yê Brîtanya Profesor Alex Callinicosî paştî daye vengdayîşê Rayber Apoyî yê 27ê sibate û qeraranê kongreya PKKyî.

Mesajê Alex Callinicosî yo ke derheqê vengdayîşê Rayber Apoyî û kongreya PKKyî de Partîya DEMî rê şawit wina yo:

"Ez pê keyfweş a ke qerarê PKKyî yê peyênî semedê şaranê Tirkîya bîyî hêvîya haştîye. La înîsîyatîfo ke hetê PKK û Abdullah Ocalanî ra ame girewtene top eşt warê hukmatî. Tirkîya berpirsîyar a ke zextanê vera sîyasetmedaranê kurdan biqedîno, ê ke paştdî danê kurdan gerek nêrê cezakerdene, destûrê agêrayîşê multecîyan ê kurdan bêro dayene û gerek pêro kurdî sey hemwelatîyan ê bînan ê Tirkîya bibê wayîrê heqanê seyyewbînan. Têna nê tedbîrî eşkenê haştîya raşte bigîro binê garantî û Tirkîya bikero demokratîk. Xeyrê nê gamanê winayênan prosesê haştîye, sinifê karkeran ê Tirkîya de yewîye pê ano û pêro herême de paştî dano têkoşînê demokratîk û komelkî."