Qezayanê  Bêgirî û Ebaxî yê Wanî de çarçeweya aktîvîteyanê Roşanê Ziwanê Dayîke de bi şîarê “Statuya Kurdî perwerdehiya bi Kurdi” rayraşîyayîş ame kerdene. Temsîlkarê partîyanê sîyasîyan, komel û dezgehê komelê sîvîlî yê bajarî û xeylê kesî tewrê ci bîyî.

Verî merkezê Bêgirî de rayraşîyayîş ame kerdene û dima ra şar ravîyart qezaya Ebexî û ûca rayraşîyayîşî rê dewam kerd. Rayraşîyayîş de sloganê sey “Bê Kurdî ziman nabe”, “Kurd, Kurdî, Kurdistan”, “Bê ziman jiyan nabe” ameyî vatene û dovîzê sey  “Ji bo Kurdî statu”, “Perwerdehiya bi Kurdî” ameyî kiriştene.

Ebex de badê rayraşîyayîşî eşkerayîya çapemenîye ameye kerdene. Eşkerayîya pankartê  “Statuya Kurdî perwerdehiya bi Kurdî” ame akerdene.

Hemsereka DEM Partî ya Wanî Gulşene Kurt bale ante têkoşînê şarê kurdî yê vera polîtîkayanê asîmîlasyon û înkarî ser û vat ziwanê merdimi sîmge, kultur û cuya ci ya û gerek şarê kurdî wayîrê nê erjê xo vejîyo bido ciwîyayene.

Hemvervatoxa Komîsyonê Ziwan û Kulturî yê DEM Partî Hevale Dilbahar zî bale ante vengdayîşê Rayber Apoyî yê 27ê sibate ser û vat: “Ma heta peynî peyê nê vengdayîşî de yê. Eke ewro îqtîdar ziwan, kultur, nameyanê ma, bajar, dewe û welatê ma qebul nêkeno gerek senî haştîye bibo? Semedê haştîya bianore gerek erjê neteweyî yê şarê kurdî bêrê naskerdene.”

Eşkerayîye bi slogana “Bê Kurdî jiyan nabe” qedîyaye.