Merkezê Cigêrayîşanê Warî yê Sosyo-Polîtîkan mabênê 18-20ê gulane de 16 şaristananê Vakurê Kurdîstanî de anketêk kerd û meylê kurdan ê seba prosesî vist verê çiman. Anket 1504 kesan de ame kerdene.

Se ra 71.5ê beşdaranê anketî bira xofeskerdişî ya PKKyî bi pozîtîfî pêşwazî kerde, se ra 17.4î beşdarî bêbire mendî û se ra 6ê beşdaran bire bi negatîfî pêşwazî kerde.

Persê ‘Na bire do haştîye bîyara?’ ra se ra 36.8î bi heya, se ra 27.9î bi beno ke û se ra 22.7î bi ney cewab da.

Se ra 48.4ê beşdaran pare kerd ke mesuldarîya haştîya mende milê Meclîs û îqtîdarî de yo.

Se ra 67.4ê beşdaran da zanayene ke seba çareserîyêka mende ganî Qanûno Bingeyî bêro vurnayene.

Beşdaran ra se ra 44.9î pare kerd ke weçînayîşê neweyî de ê do raya xo bidê DEM Partî.