Platformê Haştîye û Azadîye yê Ewropa (EFFP) seba ke Îmrali de Rayber Apoyî reyde pêvînayîşî bêrê kerdene kampanyaya “Ez wazena Abdullah Ocalanî zîyaret bikerî” daye destpêkerdene.

Çarçeweya kampanya de yeno waştene ke semedê pêvînayîşê bi Rayber Apoyî Wezîrîya Edaletî ya Tirkîya rê wa muracat bêro kerdene û mesajê bi vîdeoyî bêrê pêardene û medyaya sanale de bêrê parekerdene.

Eşkerayîya kampanya de ame vatene seba ke no proses ser bikewo gerek verê Rayber Apoyî ra astenkerdişî bêrê wedaritene ke o vîzyonê xo yê çareserîye rayapêroyîye de bieşko pare bikero. 

Çarçeweya eşkerayîye de akademisyen, hunermend, sîyasetmedar, rojnameger, pawitoxê heqanê merdiman û aktîvîstan û hetanê cîya cîyayan ê rayrapêroyîye ra yeno waştene ke wa semedê pêvînayîşê bi Rayber Apoyî Wezîrîya Edaletî rê muracatê fermî bikerê. Reyna yeno waştene ke pîya bi muracatanê nuştekîyan wa mesajê bi vîdeoyî yê 30 sanîye ra heta 2 deqayan bêrê parekerdene.

Ê ke muracatê pêvînayîşî Wezîrîya Edaletî ya Tirkîya rê bi rayrîê e-posta kenê înan ra yewno waştene ke wa muracatê xo adrese [email protected] rê zî bişawê.

Adresê E-posta: [email protected]

Semedê parekerdişê medyaya sanale etîket: yilmaztunc

Hashtag: #VisitOcalan

Parekerdişê kampanya platformanê medyaya sanale yê cêrînan de eşkenê bêrê parekerdene:

Twitter: https://x.com/yilmaztunc

Facebook: https://www.facebook.com/adaletbakanlik

Instagram: https://www.instagram.com/adalet_bakanlik/

TikTok: https://www.tiktok.com/discover/adalet-bakanlığı