Bi vengdayîşê tarîxîyî yê Rayber Apoyî mabênê tarîxanê 5-7ê gulane de  Kongreya 12. ya PKKyî ameye kerdene. Qerarê ke kongre de ameyî girewtene humara 521. ya rojnameyê Serxwebûnî de ameyî weşanayene.

Qerarê ke ameyî girewtene wina yê:

Derheqê Rayber Apoyî de

* Ma reyna teyit kene ke muzakerdoxo serkêş yê prosesê Haştîye û Komelê Demokratîkî Rayber Apo yo.

* Seba ke Vengdayîşê  Haştîye û Komelê Demokratîkî bi serkewtişî ser bikewo gerek Rayber Apo prosesî bi xo rayra bêro.

*Semedê averşîyayîşê prosesê Haştîye û Komelê Demokratîkî gerek azadîya fîzîkîye ya Rayber Apoyî bêro caardene.

* Seba ke Rayber Apo tam proses de ca nêgeno problem, tenganî û kêmayî est ê, têna bi tam tewrbîyayîşê Rayber Apoyî hêzê çareserîye vejîyeno werte.

* Hemleya Azadîye ya Globale ya ke azadîya fîzîkîye ya Rayber Apoyî hedef kena, selam kena û semedê serkewtişê ci bena seferbere.

Derheqê feskerdişê PKKyî û qedînayîşê têkoşînê çekdarî de

* “PKKyî seba ke emrê xo kerd de gerek sey fermî bêro feskerdene. Bi nê yeno qestkerdene rijîyayîşê bi sebebanê zereyî yê reel-sosyalizmî, akerdişê rayîrê neweyî yê sosyalîzmê neweyî, rewşa naskerdiş û caardişê nasnameyê kurdan.

* Seba ke têkoşîno çekdar bi stratejîya netewe-dewlete ameyêne kerdene  û nika ravîyart programê komelê demokratîkî ke semedê nê zî sîyaseto demokratîk û huqûq hewce kenê, gerek bêro caverdayene. Semedê nê gerek heqê sîyasetê demokratîkî bêro naskerdene û temînato zixm yê huqûqî bibo.

* Seba ke dîyalog û pêvînayîşê her qeydeyî yê bi dewlete binê resmîyetê PKKyî de nêameyî qebulkerdene û sey ûnsûrêkê muhîmî bi rojdem, feskerdiş hewce keno. Sey netîceya ke ayrapêroyîye ame dîkatgirewtene, ame qebulkerdene zî eşkeno bêro vînayene.

* Semedê  dekewtişê dewrêkê neweyî yê tarîxî, semedê ravîyartişê merhaleya ‘Haştîye û Komelê Demokratîkî’ hewce keno.” Çarçeweya winayên ameye qebulkerdene û kongreya ma nê qerarî girewtî:

*Pêro xebatanê rêxistinkî yê ke bi nameyê PKKyî yenê rayraberdene vindarnena, estbîyayîş û awanîya rêxistinkî yê PKKyî qedînena,

* Metodê têkoşînê çekdarî qedînena,

* Seba ke nê wird madeyê verênî bêrê caardene gerek Rayber Apo prosesî rayra bêro û îdare bikero, heqê sîyasetê demokratîkî bêro naskerdene û temînatêko huqîqî yo zixm hewce keno.

Derheqê înşayê komelê demokratîkî û têkoşînê ci de

* Çarçewaya paradîgamaya komelê azadîwaştoxî de bi dezgehbîyayîşî înşakerdişê komelê demokratîkî sey wezîfeyê xo vîneno,

* Bi esasgirewtişê sosyalîzmê demokratîkî, îlkeyê “merdimîye de israr sosyalîzm de israr o” înşa û têkoşînê komelê demokratîkî esas geno.

*Azadîya îfade û rêxistinkerdişî û azadîya ciwîyayîşê pêro îdeolojîk, eknîk, bawerî û nasnameyan ê çarçewya netewa demokratîke û xo azadciwîyayîş,sey bingeyê demokrasîyî pêardişê îdareyê herêmî ke bi vîjnayîşî yeno û azad rayraberdişê sîyasetê demokratîkî,bingeyê azadîya cinîyan de caardişê seyyewbînîya cinî-camêrdî, qedînayîşê polîtîkayanê eko-qirkerdişî vana  gerek bîgîrîyê binê temînatî qanûnê bingeyî û semedê nê têkoşîn kena.

* Çareserîya sîyasîye ya demokratîkî yê meseleya kurdan, demokratîkbîyayîşê Tirkîya û Rojhelatê Mîyanênî; çareserîya demokratîke ya bingeyê qanûnî ya probleman esas gena.

* Serkêşîya cinîyan ê Kurdîstanî destkewtişo tewr pîl ê partîya ma yo ke bingeyê xeta Rayber Apoyî de ame afirnayene, no do înşayê komelê demokratîkî de bi serkewtişî bêro rayraberdene, nasnameyo bingeyî yê cinîyan ê Kurdîstanî serkêşîya înşayê komelê demokratîkî yo. Nê esas gena.

* Temînatê xeta Apoyî ya ke partîya ma pêarde û ganîbîyayîşê şarêkî ardca, raştîya Kurdîstanî ya. Qebul kena ke ciwanê Kurdîstanî pîya bi cinîyan serkêşîya têkoşînê şorişgêrî yê PKKyî kenê. Serkêşîya ciwananê Kurdîstanî yê semedê şarê Kurdîstanî, herême û dinya esas gena.

* Berzbîyayîşê têgêrayîşê Apoyî senî ke morê xo da dewrê kurdê azadî ro, pêro Rojhelatê Mîyanênî de rayîrê şorişê girdi yê zîhnîyetî akerd. Kongreya ma veng dana pêro şaranê kurd, tirk, ereb, fars, suryanî, çekez, ermenî û laz û pêro bawerîyan ke wa nasnameyê xo bipawê û cuya hempare ya demokratîke bimanê.

* Kongreya ma mîsyonê enternasyonalî yê tarîxîyî yê PKKyî  kirişenê têkoşînê enternasyonali ke pêro merdimîya dinya xo tede azad îfade kena, xurtkerdişê xebatanê enternasyonalan ê neweyan muhîm vînena. Na çarçewe de semedê dinyayêka demokratîke veng dana pawitoxanê şoriş û sosylîazmê komelê demokratîkî.

Derheqê şehîdan de

* Kadroyanê serkêşan ê PKKyî ra hemra Fuat- Ali Haydar Kaytan do sey sembolê ‘Pabesteyê Rayberîye, Cuya Heqîqet û Bimbarek’î bêro destgirewtene û têkoşîn û cuya ci do neslanê neweyan rê bêro neqlkerdene,

* Embazanê vêrnan ê Rayber Apoyî ra hemra Riza Altun sey ‘Hemrayîya Azadîye’ bêro qebulkerdene, têkoşîn û cuya hemra Rizayî yo ke sembolanê binnêkewtişîya PKKyî ra yo, do neslanê neweyan rê bêro neqlkerdene,

* Hemra Sirri Sureyya Ondero ke 12 serrî Rayber Apoyî reyde xebete kerde û semedê serkewtişê Vengdayîşê Haştîye û Komelê Demokratîkî zaf xîret kerd, do sey ‘Şehîdê Haştîye û Demokrasîyî bêro yadkerdene,

* Zanayîş, belge û arîvê şehîdanê PKKyî do bêrê pawitene û raştîya şehîdan neslê neweyî rê bêro neqlkerdene,

* Çar parçeyanê Kurdîstanî û tebere welatî de xebatê ke semedê şehîdan yenê kerdene bêrê xurtkerdene, komîteyî bêrê ronayene,embazê ke cenazayê înan çîn ê, cenazayê înan bêrê vînayene, bikirişîyê şehîdgehan,embazê ke cenazayê înan nînê vînayene semedê înan şehîdgehan de mezelê sey abîdê bêrê viraştene. Xebatê sey belgefîlm, fîlm, dîzî, portreyan ê warê çapemenîye bêrê rojdemkerdene.

* Hemrayanê ma ke şeranê tunelan rê serkêşîye kerd Şoreş Karer, Şoreş Beytuşebap, Cumali Çorum, Çavrê Gever, Botan Ozgurr, Zinarîn Qamişlo, Serhat Giravî, Rêber Zana, Nuri Yekta, Bager Gever, Avzem Çiya, Delil Zagros, Gabar Botan, Doga Viyan, Ali Serhat, Hewrê Rojhilat, Serxwebûn Serhat û Sîpan Berxwedan sey  Endamanê Anorî yê Konseya Leşkerî ya  HPGyî bêrê qebulkerdene.

* Embazî Savaş Maraş, Gever Zafer, Yaşar Botan, Axîn Muş, Orhan Cihat Bingol, Şêxmus Milazgir, Alan Milazgir, Hêjar Zozan, Ahmet Rubar, Seyit Evran sey  Endamanê Anorî yê Komîteya Merkezê PKKyî bêrê qebulkerdene.

Derheqê gazîyan de

* Gazîyê ma yê ke Rayberîye sey  ‘Şehîdê ke ciwîyenê’ pênas keno, her kesî ra zafêr dormeyê Rayber Apoyî bêrê têhet û wayîrê xeta Apoyî bivejê,

* Pêro gazîyî xo sey pawitixê komelê demokratîkî bivînê, dezgehê komelê demokratîkî zî gazîyan sey hêzê aktîfî yê înşa yê sîstemî bigîrê dest,

* Embazê gazîyî semedê înşakerdişê sozyalîzmê komelê demokratîkî sîstemanê perwerde û rêxisitinkerdî aver bêrê,

* Şertê semedê xebatê weşî û asayîşî yê embazanê gazîyan bêrê pêardene û mîyanê cuye û têkoşînî de bibê aktîf û xebatanê înşayê komelê demokratîkî ca bigîrê.

Selam û hurmetê şorişgêrî

Kongreya 12. ya PKKyî

7 Gulana 2025î"