Qezayanê Licê û Pîranî yê Amedî de bi wesîleya Roşanê Qûrbanî zîyaretanê mezelan de şehîdê têkoşînê azadîye ameyî yadkerdene.

Pîran de Mezelê Pîrejmanî hetê îdarekaranê MEBYA-DER, DEM Partî  û xeylê kesan ra ameyî zîyaretkerdene. Hemsereka MEBYA-DERî Semra Akkoça ke badê rêzgirewtişî û wendişê dûayan qisey kerd, nê vatî: “Ma semedê bimbarekkerdişê roşanê qehremananê xo tîya de yê. Ma înan rê mînetar ê. Ma soz danê, ma do rêça înan ra şorê. Ez roşanê Birêz Abdullah Ocalanî, xoverdayoxan û şehîdanê ma bimbarek kena. Şehîd namirin.” 

Qezaya Licê de zî mezelê Çemê Elika û Sîsê ameyî zîyaretkerdene. La qeymaqemîya Licê bi sebebê “qedexeyê eşkerayîya çapemenîye û çalakîye” şar xeylê wext vindarna. Keyeyan vera na rewşe nêrazîbîyayîş mojna û vat, “Na senî haştîye ya? Şima merdeyanê ma ra tersenê? Çarçeweya zîyaretan de MEBYA-DER, Hemsereka DBPyî ya Amed Ruçem Elyakut, îdarekaranê DEM Partî û keyyean semedê şehîdan dûayî kerdî.