Endamê Meclîsê Ciwanan ê DBPyî Mustafa Yaşodunî ajansê ma rê qisey kerd û ard ziwan ke bira feshkerdişî ya PKKyî hemleyêka winayên a ke eşkena verê demokrasîyê Tirkîya abikera.

Yaşodunî îfade kerd ke Vengdayîşê Haştîye û Komelê Demokratîkî yê Rayber Apoyî verê sîyasetê demokratîkî yê Tirkîya abikero. Yaşodunî vat: ‘’Ganî ciwanî wayîrê nê vengdayîşî û prosesî abikerê. Ciwanî do erk û mesuldarîyanê xo bîyarê ca.

Ganî dewlete bi hawayêkê cidîyî nêzdîyê waştişê haştîye biba. Ganî destkewteyê kurdan hem Qanûnê Bingeyîyî de hem zî peymanan de bipawîyê. Ganî perwerdeyê bi ziwanê dayîke bêro caardene. Waştişê kurdan ê verênî nê yê. Şarê kurdî qetî terefdarê şerî nêbi. Şarê kurdî tim haştîye waşte.’’