Wekîl Omer Ocalanî seba ke Japonya de îdîayê qiseyanê nefretî, binpaykerdişê heqanê merdiman û cîyakerîya vera kurdan û elewîyan bêrê cigêrayene vernîyazêk pêşkêşê Meclîsî kerd.

Vernîyaz de ame îfadekerdene ke multecîyê kurd û elewîyî yê ke şaristanê Warabi û Kawacguchiyî yê Eyaletê Saitama yê Japonya de manenê, medyaya dîjîtale de ameyî hedefkerdene, bi gefê sînorkerdişî de têrî manenê û raştê kerdişanê xiraban ê hêzanê asayîşî yenê.

Omer Ocalanî dîyar kerd ke ganî Tirkîya mesuldarîya xo bîyara ca û hemwelatîyanê xo bipawa. Vernîyaz de nê çîyî ameyî waştene:

*Ganî Sersefîrîya Japonya ya Anqara eşkerayîyêka fermîye bida

*Ganî Tirkîya Sersefîrîya Tokyoyî û sersefîrîyanê bînan reyde bixebita.

* Ganî mabênê wird hetanê dîplomatîkan de na babete bêra nîqaşkerdene

*Ganî Meclîsî ra heyetêk şoro Japonya û serebûtî cigêrayîş bikero.’’