Şaristanê Strasbourgî yê Fransa de Nobeta Azadîye ya ke seba azadîya Rayber Apoyî 2012 de ameye destpêkerdene hewteyê 677. de ya. 

Koma ke şaristanê St. Gallenî yê Swîsre ra ameye nobete dewre girewte. Koma newî de hemwelatîyê bi nameye Nedim Çorak, Taylan Akdemir, Ahmet Ozyaşardilok û Deniz Erkiliç ca genê. 

Vervatoxê kome Nedim Çorakî vat hedefê înan o verên azadîya Rayber Apoyî ya. Çorakî semedê wayîrvejîyayîşê vengdayîşê Rayber Apoyî yê 27ê sibate veng da û vat, “Wayîrvejîyayîşê paradigmaya newî do azadîya şarê kurdî û azadîya şaranê bindestan bîyaro.” Çorakî veng da dewleta tirke û vat, “Seba ke no proses sabote mebo, gerek gamê ke yenê waştene bêrê eştene.”