KCDK-E bi eşkerayîyêke venga Neteweyanê Yewbîyayeyan (NY) û komelê mîyanneteweyîyî da ke peynîya ablûqa û ambargoyê vera Kampa Multecîyan a Şehîd Rûstem Cûdîyî ya Mexmûrî wedarnê.

KCDK-E eşkerayîya bi sernameyê ‘’Çinkerdişê Mexmûrî yeno ferzkerdene, şarê Mexmûrî tena nîyo’’ de pare kerd ke Tirkîya, Iraq û PDK bi sîstematîkî Mexmûrî binê ambargoyî de verdenê.

KCDK-E vist vîrî ke şarê Mexmûrî şarêko koçber o û Kampa Mexmûrî bi fermî binê pawitişê Komîserîya Multecîyan a Nyyî de ya. KCDK-E dîyar kerd ke rixmê ney zî NY verê kampe de erk û mesuldarîyanê xo nêano ca.

KCDK-E eşkerayîye de nê waştişî rêz kerdî:

‘’Wa ablûqa wedarîya, awe, ceyran û xizmetê weşîye ûsn wa bêrê dayene kampe.

Wa statuyê multecîtîya sîyasîye bêro dayene roniştoxanê kampe.

Wa NY erkanê xo bîyaro ca û hukmatê Iraqî û Hukmatê Kurdîstanî hişyar bikero.’’