Cinîyê ke beşdarê Rayraşîyayîşê ‘Haştîya Komelkîye û Çareserîya Demokratîke’ yê Amedî bîyê înan ard ziwan ke seba haştîye ganî dewlete cade game bierza û vat: ‘’Ma hêvî kenê ke Rayber Apo û tepişteyê bînî azad bibê.’’
Cinîyê ke beşdarê Rayraşîyayîşê ‘Haştîya Komelkîye û Çareserîya Demokratîke’ yê Amedî bîyê înan ajansê ma rê qisey kerd.
Beyca Abî: Ma seba haştîye şinê, seba azadîya şarê Kurdîstanî tîya de yê. Ma wazenê ka Rayber Apo wa azad bibo. No rayraşîyayîş rayraşîyayîşê haştîye yo. Dadîyê ma dûrî ra ameyî seba haştîye. Ma venga dewlete danê ke seba haştîye game bierza.
Sadiye Tamûr: Seba ke şer biqedo, haştîye bêra ma tîya de yê. Ma wazenê Rayber Apo û tepişteyî vera bidîyê, şer biqedo. Cinîyî wayîrê prosesî vejîyê.
Fatma Balka: Seba ke zulmê vera şarê ma biqedo ma tîya de yê. Şarê kurdî ganî azad bibo û heqanê xo bigêro. Haştîye ra ber ma çîyêk nêwaşt. Heta ke haştîye nêra peynîya mergî do nêra.
Gulçîne Karbûk: Ma seba haştîye têkoşîn kenê. Rayber Apoyî gamêka rûmetêne eşte. Dewlete ganî cade wayîra nê prosesî vejîya.
Sakîne Altan: Tek waştişê ma haştî ya. Ma nêwazenê çew bimiro. Ma wazenê ke şer biqedo. Wa heqê kurdan bişinasîyê. Wa prosesê haştîye cade biqedo.
