Hemsereka Pêroyî ya DEM Partî Tulaye Hatimogullari meclîs de kombîyayîşê grûbe yê partî de averîşîyayîşê rojdemî erjnayî.

Hatimogullari bale ante averşîyayîşanê global û herêmîyan ser û nê vatî: "Rojhelatê Mîyanênî de her roje averşîyayîşê neweyî qewimîyenê. Huqûqê mîyanneteweyîyî tîya de têna serê kagitî de est o.  Herême de xeylê problemê têmîyankewteyî est ê. Jeopolîtîgê kurdan o ke semedê çareserîya nê probleman rolo muhîm kay keno, berê vejîyayîşê labîrentê Rojhelatê Mîyanên o. Kam ke nê berî nêvînayîşî ra bêro mîyanê nê labîrentî de vîndîbîyayîşî rê mehkum o. Coka sere de semedê Tirkîya, Sûrîye, Iraq û Îran semedê pêro herême muhîmîya realîteya kurdan reyna vejîyena verê ma. Gerek Tirkîya hinî sey hetêkî tênêgero, semedê çareserkerdişê probleman mabênçîye bikero. Nizdîbîyayîşo winayên komelê Tirkîya rê feyde keno. Mesela wa Tirkîya Rojawan zîyaret bikero. Wina qeyde prosesê haştîye eşkeno dahîna zixm aver şiro."

Tulaye Hatimogullari  seba ke serûberkerdişê "Kovid-19" yo ke Pakata Hukmî ya 10ine ra vejîya nêrazîbîyayîş mojna û vat: " Hêvîya bi mîlyonan tepişteyan gerek qûrbanê qesawetanê AKPyî mebo. Bi mîlyonan haştîye pawenê. Îqtîdar gerek miheqeq tay gaman bierzo. Na babete de wezîfe û berpirsîyarîyê dezgehê sîyasetî zaf ê. Gerek proses bibo komelkî û siyaset nê rî serkêşîye bikero. Ma sey DEM Partî sey vizêrî ewro zî semedê vengdayîşê haştîye û komelê demokratîkî xebatanê xo domnenê. Ma do nê hamnan de bi hemleya rêxistinkerdişî xebatanê xo bikirişê mehlaleya nêwî."