Kongreya 23yîne ya KNKyî 24-25ê gulane de Hollanda de amebî kerdene. Netîcenameyê kongre ame eşkera kerdene. 

Netîcename de nê birî ameyî girewtene:

‘’-Kongreya ma paştî dano Vengdayîşê Haştîye û Komelê Demokratîkî yê Rayber Apoyî û prosesê peyê ey. Ma venga pêro partî, rêxistinan û şarê kurdî danê ke wayîrê nê prosesî vejîyê. Seba ke no proses ser bikewo sey KNKyî ma do seferber bibê. Ma venga dewleta tirke danê ke nê firsendî zayî nêkera, Rayber Apoyî azad bikera, operasyonan vindarna û mesele rê zemînê çareserîye awan bikera.

-KNK do seba pawitişê destkewteyanê Başûrê Kurdîstanî têbigêro. Başûr de ganî pêro hêzê kurdan nakokîyanê xo bidê kişte, yew bibê û seba pawitişê destkewteyan têbigêrê.

-Ma tedaya Îranî ya vera Rojhelatê Kurdîstanî şermezar kenê. Ganî her kes paştî bidê têgêrayîşê cinîyan û şarî yê Îranî.

-Rojawanê Kurdîstanî de wa peymana bi rejîmê Şamî de kurdî bêrê şinasnayene.

-Ganî çarçewa serra 100ine ya Serewedaritişê Şêx Seîdî yê 1925î de Ewropa de asta neteweyîye de konferans û mîtîngî bêrê kerdene. Serrgêra Peymana Lozanî de zî çalakîyê girseyî wa bêrê kerdene.

-Ganî cinîyî sîyaset de bi aktîfî têbigêrê, îradeyê cinîyan bişinasîyo, cîyakerîya cînsîyetan biqeda û temsîlkarîya têdûşte bêra caardene.

-Wa heqê pêro komanê bawerî û etnîkan bipawîyê.’’

Netîcename de ame dîyarkerdene Zeynebe Murad û Ahmed Karamus ancî bîyê Hemserekê KNKyî û hûmara delegeyan bîya 23. Netîcename de venga rêxistinanê Kurdîstanî û şarê kurdî dîya ke yewîya neteweyîye bîyarê ca û wayîrê prosesî vejîyê.