Merkezê Îrtîbatî û Çapemenîye yê HPGyî nasnameyê di şehîdan eşkera kerdî.

Eşkerayîye wina ya:

‘’Embazê ma Rûmete Bêrîtan û Serhildane Mahsum 10ê temmuza 2024î de  Tunelê Şehîd Pîrdoganî yê Warê Xoverdayîşî yê Girê Amedîyê yê Herêma Şehîd Delîlî ya Rojawanê Zapî de hêrişê çekanê kîmyewîyan de şehîd bîyî.

Artêşa tirke ya îşxalkere temmuza 2022yî de vera Tunelê Şehîd Pîrdoganî bi her hawayî hêrişê kîmyewîyî kerdî. Tunel bi bombayanê nukleran û teqaberanê giranan ame teqnayene. Ma seba nê hêrişanê sûcê vera merdimatîye venga rayaumûmîye dabi. La artêşa tirke ya îşxalkere hêrişanê xo yê namerdan ra dewam kerd. Serkêşîya YJA-Starî de tîya de xoverdayîşêko destanwarî ame kerdene. Embazanê ma Rûmete û Serhildane zî sey fedayîyanê Apogîran nameyê xo tarîxî ser o nuştî. Ma nînan bi rêzî yad kenê.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Rûmete Bêrîtan
Name û Peyname: Rîma Elî Ehmed
Cayê Bîyayîşî: Til Temir
Maye-Pî: Cewhere – Elî
Tarîx û Cayê Şehadetî: 10ê Temmuza 2024î / Zap

Nameyê Qodî: Serhildane Mahsum
Name û Peyname: Mîdya Tahabaş
Cayê Bîyayîşî: Efrîn
Maye-Pî: Zeynepe – Welîd
Şehadet Tarihi ve Yeri: 10ê Temmuza 2024î / Zap

Embaza ma Rûmete Til Temir de dadîya xo ra bena. A hêverî tewra xebatanê ciwanan bena. A şehadeta waya xo Bêrîtane Cûdî ra dima bi qerardarî, 2016 de verê xo dana koyan. A perwerdeyanê xo bi serkewtişî qedînena û tewra Hêzanê Taybetan bena. Embaza ma 2021 de Herêmanê Pawitişî yê Medya de dest pê erkî kena û tunelanê şerî de xoverdayîşêkê xurtî kena. Embaza ma heta şehadetê xo têkoşînî ra fek vera nêdana.

Embaza ma Serhildane Efrîn de dadîya xo ra bena. A hêverî tewra xebatanê Şorişê Rojawanî bena. Wexto ke birayê aye Mahsum-Ebdo Tahabaş şehîd beno embaza ma Serhildane 2019 de verê xo dana koyan.  A bi hîsê qesasî wextê kilmî de bena gerîlayêka serkewte. Embaza ma xeylê waran de têkoşînêkê xurtî kena, erk û mesuldarîyanê xo bêkêmasî ana ca.