Hemserekîya Konseya Rayberdişî ya KCKyî derheqê hêrişê îsraîlî yê vera Îranî de eşkerayîye daye û nê vatî:

“Bîn şewe Îsraîlî hêrişê Îranî kerd. Çi heyf ke nê hêrişî şero ke 7ê teşrîna verêne ya 2023yî bi giran û her hetî ra zirar da şaran û bi sebebê rijnayîşan û dejanê pîlan, dahîna xorin kerd. Şero ke bi destê dewletan bi waştişê hêz û hegemonya yeno averberdene çirey meseleyan çareser nêkeno û ziraro pîl dano şaran. Bi şeran meseleyî çareser nêbenê. Xora tarîxê Rojhelatê Mîyanênî de zaf şerî vejîyayî meydan. Ma nê şerî ke şaran rê dano vînîkerdene û verê rijnayîşî û zirarî akeno, xelet vînenê û şermezar kenê. Gerek hinî her kes bivîno ke şerî meseleyan çareser nêkenê û polîtîkayanê şeran caverdo.

Ma sey têgêrayîşî veng danê her kesî ke wa bi şerî nê bi metodê sîyasetê demokratîkî, dîyalog û muzakeran ke Rayber Apoyî vete meydan, meseleyan çareser bikerê. Bi na wesîle ma heyna vanê ke Rojhelatê Mîyanênî de çareserîye meseleyan têna bi modernîteya demokratîke û netewa demoktatîke mumkun o. Pêro zanê ke Rayberîya ma seba ke meseleyanê Rojhelatê Mîyanênî çarser bikero zaf kede dano. "Vengdayîşê Haştîye û Komelê Demokratîkî" yê Rayber Apoyî yê 27ê sibate zî semedê verakerdişê tengayîya tarîxîye ya Rojhelatê Mîyanênî yo. Ma veng danê şaran, cinîyan û hêzanê demokratîk û sosyalîstan ke wa vengdayîşê Rayber Apoyî dahîna xorî fam bikerê, rêxistinîya xo xurt bikerê û çareserîya demokratîke aver berê.”