Tepişteyo neweş Îsmaîl Tanbogayo ke lîsteya tepişteyanê nêweşan a Komeleya Heqanê Merdiman (ÎHD) de yo rixmo vengdayîşan nîno tehlîyekerdene. Tanbogayo ke rîyê  problemanê nêweşî ra esteyê ci helîyenê, didanê ci rişîyayî û çeneyê ci bîyo bêhêz, nizdê şeş serran o ke mama weno. Tanbogayo ke roje bi roje kîlo vînî keno no porses semedê ey îşkence yo. Tedawîya ke vîneno zî şertanê zîndanî de tesîr nêkena.

Îsmaîl Tanbogayo ke qezaya Silopî ya Şirnexî de 2015 de wextê qedexeyê tebervejîyayîşî ame destbendkerdene û tepiştene çar reyî cezaya muebedê giranî dîyaye ci. Tanbogayo ke rewşa ci weşîye giran a, nêweşîya ci tam nîna teşhîskerdene bi paştdayîşê embazanê ci yê koguşî hewcedarîyanê xo yê rojane ano ca. 

Dayîka Îsmaîl Tanbogayî ke 10 serrî yo zîndan de yo û rewaş ci ya nêweşîye çend şino xiraber bena, Kumrîye Tanboga bale ante şertanê giranan ê lajê xo ser û waşt wa serbest bêro veradayene. Kumrîye Tanboga vat: “Lajê ma hema ciwan o la sey extîyaran o. Hem qijtîye û ciwanîya ci diznaye. Tepişteyê nêweşî nêeşkenê zîndan de bimanê. Wa înan veradê, ma qijanê xo keye de tedawî bikerê. Ma têna hûzûr û haştîye wazenê. Sey gama verêne ê haştîye pêro tepişteyê nêweşî bêrê veradayene.”