Serekanê verênan û neweyan ê têgêrayîşê Sinn Feinî Gerry Adams û Declan Kearneyî paştî daye vengdayîşê Rayber Apoyî yê 27ê sibate û vat: "Ma sey Têgêrayîşê Sinn Feinî paştî danê nê prosesî. Abdullah Ocalan gerek bibo azad."
Serekê Têgêrayîşê Sinn Feinî yo verên Gerry Adamsî û serekê ci yo newe Declan Kearneyî semedê prosesê ke Rayber Apoyî 27ê sibate da destpêkerdene mesajê paştdayîşî şawit.
Gerry Adams: "Şarê Rojhelatê Mîyanênî xeylê wext o ke heqanê xo yê bingeyîyan ra, bitaybetî zî heqê qederê xo tayînkerdişî yê neteweyan ra mehrum yenê verdayene. Vengdayîşê Haştîye û Komelê Demokratîkî yê Abdullah Ocalanî yê 27ê sibate gama muhîmî bî. Sinn Fein paştî dano prosesê haştîye û muzekeran ê tirkan-kurdan."
Declan Kearney: "Mi zî pîya bi rayberanê bînan ê ke paştî danê vengdayîşê Rayber Apoyî eşkerayîya hempare îmza kerd. Proseso ke mabênê hukmatê Tirkîya û temsîlkaranê sîyasîyan ê kurdan de yeno domnayene gerek hetê heme hetan ra bêro wayîrvejîyayene. Dîyalog esas o. Her çîya ver Sinn Fein vano ke gerek Abdullah Ocalan zîndanî ra bêro serbestveradayene; semedê nê zî prosesêko hîra bêro destpêkerdene û pêkerdişo sîyasî bêro caardene. Reyna ma do paştî bide xebatanê semedê haştîya Rojhelatê Mîyanênî.Ma wazenê ke zulmê Îsraîlî yê vera şarê Fîlîstînî bêro qedînayene."
