Teorîstenê sîyasetî yê amerîkayîjî Michael Hardtî mesajê paştdayîşî da Vengdayîşê Rayber Apoyî û vat: ‘’Qeraro ke Abdullah Ocalanî û PKKyî seba rotaya newîye ya seba haştîye û demokrasîyî dayo, ez paştî dana ci û teqdîr kena.’’
Teorîstenê sîyasetî yê amerîkayîjî Michael Hardtî seba Vengdayîşê Haştîye û Komelê Demokratîkî yê Rayber Apoyî û Kongreya 12ine ya PKKyî mesajê paştdayîşî weşana.
Hardtî fîlozofê komunîstî Antonio Negriyî reyde kitabê ‘’Zafanîye’’ nuştibi.
Mesajê Hardtî wina yo:
‘’Qeraro ke Abdullah Ocalanî û PKKyî seba rotaya newîye ya seba haştîye û demokrasîyî dayo, ez paştî dana ci û teqdîr kena. Nê prosesî de têgêrayîşê kurdan seba haştîye ganî manayêka newîye înşar bikero û goreyê demokrasîyî awanîyanê sîyasîyan aver bero. Rixmê hêzanê tedakaran zî ez pê bawer a ke no erk bi serkewtişî do bêro caardene. Çunke heta nika Têgêrayîşê kurdan hêzê berardişê sîyasetî xo îsbat kerd. Coka Têgêrayîşê Kurdan çar hetanê dinya de beno çimeyê îlhamî.’’
