Qezaya Şemrexî yê Mêrdînî de şewato ke saetanê serê sibayî de dewanê Şebê û Melekîbê de vejîya û bi mudaxaleyî gerîya binê kontrolî, newera bi gird.

Hela ke xebata serdinkerdişî ameyêne kerdene waranê bînan ra kila bîye berze. Rîyê vayê bişîdetî ra şewat nêgerîyeno binê kontrolî. Ekîbê îtfaîye yê herême û hemwelatîyî erdî ra û  bi helikopter û motorê hewayî zî şewatî rê mudaxale yeno kerdene.

Şaredarîyê ke hetê DEM Partî ra yenê îdarekerdene bi neqlê awe û tankeran paştî danê xebatanê hewnakerdişî. Herême şewatî rê pîya bi Mêrdînî Amedî ra zî ekîbî ameyî sewqkerdene. Badê xebatanê mudaxaleyî şewatê Kelaya Şemrazî gerîya binê kontrolî.

Hetê bînî ra qezaya Dêrîkî ya Merdînî de zî dewa Bavsê de erazîya xeleyî de şewat vejîya. Erazîya bi seyan donîmî de hemwelatîyan bi traktoran û ekîbanê îtfaîye mudaxaleyê şewatî kerd.