Endamê Komîteya Merkezî ya PKKyî Qasim Engîn 27ê gulana 2020î de hêrişê dewleta tirke de şehîd bibi. Gerîlaya YJA-Starî Têkoşîne Cûdî qalê Şehîd Qasim Engînî kerd.

Têkoşîne Cûdî vat: ‘’Embaz Qasim embazêko fedakar, coşker û moralberz bi. ’Embaz Qasim temsîlkaranê tewr xurtan ê xeta Apoyîye ra yew bi. O hunermendêko xurt, merdimêko zanaye bi. Merdim eşkeno embazanê şehîdan wina pênase bikero; ê bêmerg ê. Ma do nêeşkê qetî deynê şehîdan bidê. Embaz Qasimî tim ma de sohbet kerdêne, qalê Rayberîye kerdêne. Ey vatêne ke ‘PKK bi her çîyê xo rind o.’ Ey govende ra zaf hes kerdêne. Têkilîyê ey ê bi ma taybet bîyî. Eleqeyê ci yê bi kultur û tarîxê kurdan zaf bi.

Seba ke ma cuya xo bingeyê raştikênî ser o awan bikerê ganî ma xo biresnê raştîya şehîdanê sey embaz Qasimî.’’