Avûkatanê Baroyê Parisî ra Juan Prosperî derheqê tecrîdê Îmraliyî û tewirê CPTyî de ANFyî rê qisey kerd.

Prosperî ard ziwan ke tecrîdê vera Abdullah Ocalanî dûştê Peymana Heqanê Merdiman a Ewropa yo û vat: ''Rixmo ke hende wext ser a derbaz bîyo Komîteya Vergirewtişê Îşkenceyî (CPT) hema zî pêşnîyazê xo yê derheqê rewşa Ocalanî dde eşkera nêkerdê û nika Ocalanî ra agahîyêke zî çin a. No binpaykerdişê biranê Mehkemeya Heqanê Merdiman a Ewropa yo.''

Prosperî îfade kerd ke seba ke rewşa Rayberê Şarê Kurdî Abdullah Ocalanî bizanîya ganî CPT raporê xo yê Îmraliyî eşkera bikero û vat: ''Seba ke aktorê komelê sivîlî bizanê ke Îmraliyî de çi qewimîyeno ganî CPT raporê xo eşkera bikera.''

Prosperî pare kerd ke seba wedarîyayîşê tecrîdî ganî dezgehê erkdarî têbigêrê û her ca de têkoşîn bêro kerdene. Prosperî vat: ''Seba ke selahîyetdarê tirkî hurmetê biranê Mehkemeya Heqanê Merdiman a Ewropa  bikerê û dima zî çimdarê xoserî bieşkê şert û mercê Îmraliyî kontrol bikerê ganî ma teda bikerê. Huqûqnasî ganî tedaya CPTyî bikerê ke rewşa Ocalanî eşkera bikerê.''