Îstanbul û Îzmîr de tewr tay 31 kesî ameyî destbendkerdene. Mîyanê înan de endamê PMyî yê DEM Partî zî est ê.

Îstanbul

Îstanbul de Endamê Meclîsê Partîye (PM) yê DEM  Partî Unal Yusufoglu, îdarekarê MATUHAYDERî û endamê DEM Partî zî tede 15 kesî ameyî destbendkerdene. Destbendkerdeyî ameyî berdene bi Mudirîya Asayîşî ya Îstanbulî.

Nameyê tay destbendkerdeyan wina yê: Adîl Gumuş, Fîkrî Baş, Zubeyîr Taş, Vîldane Dogan, Unal Yusufoglu, Alamettîn Demîr, Necla Aktay, Suat Yildiz, Ertan Hamîtoglu, Zubeyde Gulsum, Suzane Gezîcî, Ahmet Altinişik, Binguzele Ulu, Fîlîze Aydin, Yaşar Gokdemîr.

Îzmîr

Îzmîr de serê sibayî polîsan eşt 19 adresan ser û 16 kesî destbend kerdî. Mîyanê destbendkerdeyan de endamê Partîya Azadîya Komelkîye (TOP), Partîya Karkeran a Tirkîya (TÎP), Înîsîyatîfê Têkoşînê Sosyalîstî, Ciwananê Demokratan ê Neweyan û Halkevlerî est ê.

Nameyê tay destbendkerdeyan wina yê: Erkan Gokber, Tugçe Kizildemîr, Mehmet Kasar, Emîne Akbaba, Berfîne Buyukertaş, Arda Duvarci, Azat Kunur, Elîfe Yerlîkaya, Muhammet Arda Bulgan, Nîlufere Yildiz, Samet Sagniç, Serdar Akturk, Sezgîn Zevkîbol, Sude Tîmagur.

Antalya

Sereştişanê polîsan de Hemserekê DEM Partî yê Qezaya Doşemealtiyî Fehmî Karaku, Ahmet Refîk Karaca û Derya Polat ameyî destbendkerdene.