Heyeto ke 39 endamanê Platformê Haştîye û Azadîye yê Ewropa (EFFP) ra yeno pê seba ka Rayber Apoyî zîyaret bikero ho yeno Tirkîya.

Heyeto ke akademîsyen, rojnameger, nuştox, sîyasetmedar, huqûqnas û sendîkawanan ra yeno pê 1-2yê temmuze de do Îstanbul de pêvînayîşan bikero. EFFP seba hemkarîya çareserîya meseleya kurdan bikera kampanyaya ‘Ez wazena Ocalanî zîyaret bikera’ dabî destpêkerdene.

Heyet 1ê temmuze de Buroyê Huqûqî yê Asrinî do zîyaret bikero, uca ra şoro Rêxistina DEM Partî û 2yê temmuze de Taksîm de ‘Kombîyayîşê Dormeyê Masaya Giloverêne’ bikero.

Kombîyayîş de meseleya kurdan û çareserîya ci do bêrê nîqaşkerdene. Dima netîcename do bêro eşkerakerdene.