Komelê Azadî yê Brîtanya yo ke meclîs û komunanê sey PYD, PJAK, Kongreya Starî, rêxistinanê cinîyan û ciwanan ra yeno pê bi şîarê ‘’Ma Komelê Demokratîkî û Haştîye Awan Bikerê’’ û ‘’Ma bi ciwanîye dest pêkerd û bi ciwanîye do ser bikewê’’ kongreya xo ya 10ine viraşte.

Kongre de Vengdayîşê Rayber Apoyî ame selamkerdene û Riza Altun û Alî Haydar Kaytan ameyî yadkerdene.

Hemserekê Kongra-Gelî Remzî Kartalî bi rayîrê vîdeoyî mesajêk şawit kongre û vat ke ganî Vengdayîşê Rayber Apoyî sey esasê rêxistinkerdiş û xebatan bêro caardene. Kartalî vat ke ganî Sosyalîzmê Komelê Demokratîkî bingeyê nê vengdayîşî de bêro pratîzekerdene.

Dima ke raporî ameyî wendene, rexneyî û xorexnekerdişî ameyî goşdarîkerdene. 

Kongre de Kongreya 12ine ya PKKyî ameye selamkerdene.

Kongre de pêşnîyazî ameyî nîqaşkerdene û îdareyo newe ame weçînayene. 

Songul Maraş û Êrîş Silêman sey Hemserekanê Komelê Azadî yê Brîtanya ameyî weçînayene.