Komîteya Perwerdeyî ya KCKyî bi eşkerayîyêka nuştekîye Roşanê Ziwanê Kurdkî fîraz kerd. 

Eşkerayîye wina ya:

''Ma sere de Rayber Apoyî rê, şehîdanê xo yê bêmergan rê, şarê xo yo ke rixmê pêro qedexe, teda û hêrişan zî bi ziwanê xo xo ver dano, rê Roşanê Ziwanê Kurdkî fîraz kenê.

Rayber Apoyî vatêne: 'Asta averşîyayîşê ziwanêkî, asta averşîyayîşê cuye ya. Komelêk çend ziwanê xo yê dayîke aver bero, hende aver şino û çendek ziwanê xo ra dûrî bikewo hende asîmîle û qir beno. Eşkera yo komelo ke ziwanê xo ra dûrî kewto, do bibo mehkûmê cuyêka trajîke.' Ziwan vîr û nasnameyêkê komelî yo hempar o. Eleqeyê averberdiş û pawitişê vîrê komelkîyî bi averberdişê ziwanê ê komelî est o. Polîtîkaya înkarkerdiş û qedexekerdişê kurdkî polîtîkaya çinkerdişê estbîyayîşê kurdan a. Ma ganî vera na polîtîka hîna zaf bi kurdkî qisey bikerê, binusê, bifikirê, xo rêxistin bikerê û têkoşîn bikerê. Na noqta de têkoşînê vera asîmîlasyonî reyde têkoşînê vera otoasîmîlasyonî zî erkê pêro kurdan o.

Ganî ma xo vîr a nêkerê ke perwerdeyê bi ziwanê dayîke heqêko meşrû yo coka seba destvistişê nê heqî her ca rêxistinbîyayîş û çalakbîyayîş zî heqêko meşrû yo!

Tesbîtê 'Raştîye çin a, ziwan est o' eşkera keno ke seba estbîyayîşê şarêkî ziwan parçeyo tewr girîng o. Ziwanê kurdkî raştîya xobîyayîşî ya kurdan a. Mesuldarîya ma ya ke wayîrê ziwanê xo vejîyê!

Şarê ma welat de û teberê welatî de ganî bi kurdkî nuştiş û wendiş sey çalakîya bêmergkerdişê ziwanî bivîno, her ca de seba perwerdeyê bi ziwanê dayîke û warê umûmîye de şuxilnayîşê ziwanê kurdkî bi xurtî têkoşîn bikero û rayîr nêdo polîtîkayanê asîmîlasyonî.

Bi wesîleya ronîyayîşê 92ine ya Kovara Hawarî û Roşanê Ziwanê Kurdkî yê 15ê Gulane ma şexsê Mîr Celadet Alî Bedirxanî û embazanê ci de, ê kesanê ke seba ziwanî kede û bedelî dayê selam kenê. Ma ancî Roşanê Ziwanê Kurdî şarê xo û pêro şaran rê fîraz kenê.''