Rayber Apoyî Zîndanê Îmraliyî ra vengdayîşêko tarîxî bi vîdeoyî kerd.

Vengdayîşê Rayber Apoyî wina yo:

‘’Embazê ercîyayeyî

Ez sey erkê xo yê etîkî hesibnena ke ez safhaya têgêrayîşê ma yê embazîya komunale, rewşa ci ya zelale û derheqê mesele û çareserîyan de bi mektubêka hîra ancî eşkera bikera û cewabanê afernayoxan bida.

1-Ez Vengdayîşê Haştîye û Komelê Demokratîkî yê 27ê Sibate hema pawena. 

2-Ez Kongreya şima ya 12ine ya PKKyî sey cewabêkê pozîtîfî û hîrayî yê seba vengdayîşî ercnena.

3-Na noqtaya ke ma resayê ci tarîxî û ercîyaye ya. Xîretê ke seba na noqta embazan sey pirdêkî kerdo zî ercîyaye û cayê hûrmetî yo. 

4-Peynîya pêro qewimîyayîşan de mi Manîfestoyê Komelê Demokratîkî amade kerd ke ganî no sey vurîyayîşê tarîxî bihesibîyo. No manîfesto eşkeno manîfestoyê ‘’Rayîrê Şorişê Kurdîstanî’’ yê 50 serrî îkame biero. Ez wina bawer kena ke no manîfesto tena seba komelê kurdan ê tarîxî ney seba komelê global û herême zî wayîrê cayê tarîxîyî yo. Ez pê şik nêkena ke no manîfesto seba tradîsyonê manîfestoyê tarîxî nimûneyêk o.

 5-Ez wazena naye bi zelalî îfade  bikera  ke nê pêro qewimîyayîşî netîceya pêvînayîşanê min ê Îmraliyî de bîyê. Ma kerd ke bi dîqatî nê pêvînayîşan bingeyê îradeyê azadî de bikerê.

6-Na noqta de ganî hinî bi gamanê neweyan pratîk bêro caardene. Girîng o ke ma îfade bikerê ke na safha û nê gamê hewceyî zî tarîxî yê, coka wa hol fam bibê û krîterê ci bêrê caardene.

a-Têgêrayîşê PKKyî yo ke armancê ci awankerdişê dewletêke bîyo û vera înkarê estbîyayîşî vejîyabi werte û stratejîya PKKyî ya şerê felata neteweyîye hinî  ameyî qedînayene. Estbîyayîş ame şinasnayene coka armanco esas ameyo caardene. Naye ra PKK ameyo qedînayene. Nê esasî ser o rexne û xorexnekerdişê hîrayî do dewam bikerê. 

b-Seba ke sîyaset do vengîye qebul nêkero, ganî na vengîye bi bernameyê ‘Komelê Demokratîkî û Haştîye’, strayejîya ‘sîyasetê demokratîkî’ û huqûqê pêroyîyî bêra dekerdene. 

c-Girîng o ke nê prosesî de çekî bi hawayêkê zerrîwazî bêrê verdayene û Meclîs de komîsyonêko qanûnî û selahîyetdar o hîra bêro ronayene. Şert o ke eqlo teng û  feraseto ‘xoperestî’ nêbê û gamî bi baldarî û bi hesasîyetî bêrê eştene. Ez zanena ke gamê ke do bierzîyê pûç nêbê. Ez samîmîyetî vînena û pê bawer kena.

d-Naye ra yeno xîretkerdene ke gamê hîna pratîkî û hîna zelalê ke do kilîdan abikerê bêrê eştene. Tezê ke hetê mi ra ameyê pêşkêşkerdene wina yê:

1-Gerek her kes çîyo ke kewno milê ci bikero, resayîşê hedefêHaştîye û Komelo Demokratîkî bi perspektîfê entegrasyonalîstî yê pozîtîfî mumkun . Netîceya prêo vatişan: PKK waştişê netewe dewlete caverda, na çarçewa de, estbîyayîşê xo qedîna. Yeno pawitene ke na tuqtaya tarîxî dahîna bêro averberdene.

2-Seba ke semedê meclîs, komîsyon û semedê şarî hinî şik memano ma eşkera çeke nanê ro, wa no normal bêro vînayene. Ronayîşê mekanîzmaya ronayîşê çekan do prosesî aver bêro. Merhaleya têkoşînê biçeke ra ravîayartişê bizerrî yê merhaleya sîyasetê demokratîkî û huqûqî yo. Vînîkerdişêk nîyo, qezenckerdişo tarîxî yo. Gerek wina bêro erjnayene.Detayê ronayîşê çekan do bêrê bewlîkerdene û lezabez do bêrê caardene.

3-DEM Partîya ke binê serbanê meclîsî de ya pîya bi partîyanê bînan do semedê serkewtişê nê prosesî çîyo ke destê ci ra bêro, bikero.

4-Nê mabênî de pêro metnanê qerarî de azadîya mi sey şertê qetî yena vatene. Seke şima zî zanenê ke mi çirey azadîya xo sey meseleyêka şexsîye nêdîya. Hetê felsefîyî ra zî azadîya şexsan komelî ra cîya nîya. Çend ke şexsî azad bibê komel azad beno, çend ke komel azad beno şexsî zî azad benê. Eşkera yo ke goreyê ney do bêro têgêrayene.

Ez bi hêzê çekan ney bi hêzê sîyaset û haştîya komelkîye bawer a. Û ez venga şima zî dana ke nê krîterî bîyarê ca.

Serebûtê ke rojanê peyênan de herême de qewimîyayê, mojnenê ke na gama tarîxîye çendek girîng û ecîl a.

Ez ganî vaja ke ez rexne û fikranê şima yê seba prosesî û destekanê şima pawena. Ez bi coş û hewesî pare kena ke ez amade û pê bawer a ke nê nîqaşî do herême, welat, ma, Hêzanê Modernîteya Demokratîke do biresnê safhayêka stratejîke û taktîke, bernameyêkê neweyî û  nika ra amdekarîya ney kenê. 

Ez seba dewrê verê ma veng dana ke birê kongre û nê pêşnîyaz û fikrê mi yê ke nê nuşteyî de cagênê bêrê caardene û esasê serkewtişî ser de qewimîyayîşî wa bêrê averberdene.

Tim bi embazî, selam û heskerdişî bimanê.

19ê Hezîrana 2025î

Abdullah Ocalan.’’