Hukmatê tirkî Planê Çalakîye de yo ke teqdîmê Komîteya Wezîran a Konseya Ewropa kerd, dazanayene ke ê do derheqê 'heqê hêvî' de bedilnayîş mekerê. Dewleta tirke Rayber Apo heqê hêvî ra bêpar tepişt.
Tirkîya Planê Çalakîye de yo ke teqdîmê Komîteya Wezîran a Konseya Ewropa kerd, vat ê do semedê tepişteyanê ke cezaya muebetê giranî dîyaya ci ''heqê hêvî'' ca nêarê.
Planê bi tarîxê 27ê hezîrana 2025î de qerarê ke Mehkemeya Heqanê Merdiman a Ewropa (MHME) semedê Emîn Gurban, Cîvan Boltan, Hayatî Kaytan û Rayber Apoyî de girewtî ameyî erjnayene.
MHME vat gerek semedê tepişteyanê ke cezaya muebetê giranî dîyaya ci heqê hêvî bêro caardene û Tirkîya ra waştbi wa mewzuatê eleqedarî de bedilnayîş bikero.
Rixmo ke Rayber Apo 1999î ra nata hucreyê yewkesî de yeno tepiştene, Planê Çalakîye de ame vatene ke temînatê şexsîyî yê bînî hewce nêkenê. Na reşwe yena na mana ke rixmê qerarê MHME tecrîdê Îmraliyî do bêro domnayene.
Hukmatê tirkî binê sernameyê ''tehlîyeya bişertî‘‘ vat cezaya hepsî ya muebetê giranî ''îstîsna'' ya hukmwerdeyî nêeşkenê mekanîzmaya tehlîyeya bişertî ra feyde bikerî. Wina qeyde Tirkîya eşkera kerd ke derheqê ''heqê hêvî'' de do bedilnayîşêk mekero.
Wezîrê Edaletî Yilmaz Tunçî menga gulane de derheqê caardişê heqê hêvî yê Rayber Apoyî de vatbi ''çîyo winayên çîn o.'' Îfadayanê Planê Çalakîye de zî yeno vînayene ke no nizdîbîyayîş sey polîtîkaya fermî yeno caardene. Nê tewirê Tirkîya mojneno ke rixmê qeraranê MHME polîtîkayê tecrîdî do dewam bikerê.
