Şîrketa Kulp Madencîlîk û Diş Tîcarey A.Ş.ya ke herêma Hesandînî ya qezaya Pasûrî ya Amedî de gêrena madenî, bi hawayêkê xirabî tesîrê xoza kena.

Şarî vera ney nêrazîbîyayîşê xo mojnabi. Rixmo ke raporê ÇEDî yê şîrkete amebi betalkerdene karê şîrkete dewam keno. Coka roniştoxanê herême dest pê çalakîya şermezarkerdişî kerd.

Dewijan bi armancê vindarnayîşê xebata madenî xeyme akerde û dest pê nobete kerd.

Hemşaredarê Pasûrî Murat Îpekî nobete zîyaret kerde û ard ziwan ke şîrkete bi hawayêkê îlegalî xoza talan kena.

Serekê Komîsyonê Şaristanî û Xoza yê Baroyê Amedî Ahmet Înanî zî war de dîyar kerd ke karê şîrkete vera prosesanê huqûqî yê û her gama şîrkete sûc a.

Dewijan eşkerayîye ra dima deyîrî vatî û govende girewte.

Çalakîya nobete dewam kena.