Dewanê Aşût û Çemka de gerreyê îdarekarê AKPyî Îsmet Olmezî Rahmî Olmezî ser o vizêr 7 kesî ameybî destbendkerdene. Nînan ra 3 kesî ameyî tepiştene.

Îfadeyê Nezîr Ecerî bê avûkat ame girewtene. Nêrazîbîyayîşê rayaumûmîye ser o walîtîye eşkerayîye dabî.

Dewijanê Aşûtê serebûtî ser o eşkerayîyêke daye. Abdurrahman Ecerî eşkerayîye wende û îfade kerd ke serebût îlegal o. Ecerî vat: ‘’Vera dewanê ma operasyon ame kerdene. 7 kesî ameyî destbendkerdene. Nê kerdişî qanûnî û wijdanî nîyê. Bê delîl û destûrê dozgerîye dewê ma gêrîyayî binê ablûqa.’’

Ecerî vat ke ê do heta peynî pawitişê xo bikerê û apey game nêerzê.