Cinîyî Vakurê Kurdîstanî û Tirkîya ra seba ‘’Rayraşîyayîşê Haştîye’’ şîyî Anqara. Polîsî wazenê ke rayraşîyayîşê cinîyan asteng bikerê.

Cinîyê ke Guvenpark de ameyê têger înan waşt ke ver bi Meclîsî şorê. La polîsan nêverda ke cinîyî otobusan ra parke de peya bibê. Polîsan cinîyî vindarnayî û bi qiseyê ‘’Ma do otobusan girê bidê’’ tehdît kerdî.

Nê tehdîtî ra dima tayê ramitoxan xîret kerd ke wesayîtanê xo apey biancê. Tayê ramitoxan zî berî anêkerdî û nêverda ke cinîyî otobusan ra peya bibê. Otobusî dima şîyî verê Çankaya yê Meclîsî.

Komêka cinîyan tîya de rixmê astengîyan zî ver bi Meclîsî dest pê rayraşîyayîşî kerd.