Platforme Cinîyan ê Seba Têdûştîye (EŞÎK) derheqê xeberanê ke vato parekerdişê mîrasî yo têdûşt qedîyayo de eşkerayîyêke daye û dîyar kerd ke bi nê qiseyan xîret yeno kerdene ke tedaya vera cinîyan bêra kerdene.

EŞÎKî vist vîrî ke heqê mîrasî yê cinîyan qanûnan de têdûşt o û vat ke bi rayîrê kerdişanê mabênçîye û paketanê hukmî yeno waştene ke no heq pratîk de werte ra bêro wedaritene.

EŞÎKî vat: ‘’Heqê ma yê mîrasî yo têdûşt zî tede ma do heqanê xo yê medenîyan ra fek vera nêdê ke bi bedelan ma vistê destî. Ma do qetî apey anêgêrê.’’

EŞÎKî venga pêro cinîyan da ke bê wendişî wa belgeyan îmza nêkerê, wexto ke famkerdiş de zehmetîye ancenê muracat bikerê û baroyan ra paştdayîşê huqûqî bigêrê.