Heyetê Îmraliyî yê DEM Partî ke Pervîne Buldan, Mîthat Sancar û Ozgur Faîk Erol tede ca genê ewro Rayber Apo zîyaret kerd. Heyetê netîceyê pêvînayîşî bi eşkerayîya nuştekîye pare kerd.

Eşkerayîye de ca dîya nînan: ''Ewro ma sey heyetî Zîndanê Îmraliyî de Birêz Abdullah Ocalan reyde di saate nîme pêvînayîşo muhîm kerd.

Weşî û moralê Birêz Ocalanî hol bi. Pêvînayîşê ma ard ziwan ke proses kewto merhaleyêka newî. Bi eştişê gamanê neweyan, xususê caardişê hewcedarîyanê nê prosesî de, berpirsîyarîye kewna milê ma perûne.

Pêvînayîşo ke endamê heyetê ma do bi Birêz Serekkomarî bikerî, zaf muhîm hesibna û vat no pêvînayîşêko tarîxî yo. Eynî wextî de ard ziwan ke komîsyon ke do meclîs de bêro ronayene do semedê haştîye û çareserîye rolo gird kay bikero.

Ma dî ke hêvî û bawerîya ci est a ke no proses paştî bido prosesê demokratîkbîyayîşî Tirkîya.

Wextê pêvînayîşî de ma eşnawit ke hera Îdareyê Herêmî yê Kurdîstanî de leşkeran rîyê gazê metanî ra dinyaya xo vînî kerde. Birêz Ocalan û ma pêro semedê nê zaf  qehrîyayî. Bi na wesîle înanê ke dinyaya xo vînî kerde, ma înan rê hûmayî ra rehmet, keye û merdimanê înan rê serweşîye wazenê.”