Selahîyetdarêkê Hamasî bi rayîrê BBCyî pare kerd ke hêrişanê Îsraîlî ra dima se ra 80î kontrolê herême destê Hamasî ra şîyo.

Selahîyetdarî da zanayene ke lîderîya asayîş, leşkerî û sîyasî ya Hamasî hema hema bi temamî destî ra şîya.

Selahîyetdarî vat: ‘’Awanîya asayîşî ra hema hema çîyêk nêmendo. Se ra 95ê îdarekarê ma kişîyayî, êyê ke weş ê zî bêtesîr ameyî kerdene. Kontrolê asayîşê Gazze bi temamî çin bîyo.’’

Selahîyetdaro ke no roporyaj dayo seba ke birîndar bîyo erkî ra ameyo girewtene. No sey prosesê rijîyayîşê zereyî yê Hamasî ame ercnayene.

Goreyê selahîyetdarî Hamasî menganê peyênan de bi taybetî wextê adirbirnayîşê 57 rojan de xîret kerdo ke awanîya xo ya rêxistinîye newe ra awan bikero la Îsraîlî dayo merkezê fermandîye ro û Hamas hîna qels bîyo.