Serekê Amerîka Donald Trumpî pare kerd ke şewa şemeyî înan vera hîrê tesîsanê nuklerî yê Îranî, bi taybetî vera ‘Fordoyî’ hêrişêko ‘zaf serkewte’ kerdo û tesîsî ‘bi temamî’ ameyê çinkerdene. 

Trumpî Truth Socialî rê vat: ‘’Hinî wextê haştîye ameyo. Ganî lîderê Rojhelatê Mîyanênî hinî bêro haştîye. Hema hedefê ma zaf ê. Eke haştîye bi lezî nêra caardene ma do bi hawayêkê hesas, lez û xurtî bidê nînan ro zî.’’

Fox Newzî wina weşana ke tesîsê Fordowî ameyo çinkerdene, tesîsê Natanz û Îsfahanî bi 30 fuzeyan hedef bîyê û kar û xebatê Îranî yê nuklerî qedîyayê.

Merkezê Sîstemê Asayîşî yê Nuklerî yê Neteweyî yê Îranî hêrişanê Amerîka ra dima  vat ke tesîran de lêşinîya nuklere nêvirazîyaya.

Selahîyetdaranê Îsraîlî zî warê xo yê hewayî ‘’qefilnayo.’’

Dezgehê Enerjî yê Atomî yê Îranî roja yewşemeyî eşkerayîyêke daye û dîyar kerd ke hêrişê Amerîka do nêeşkê kerdişanê Îranî yê nukleran vindarnê û bombardumanî sey ‘çalakîyêka barbare’ pênase kerdê.

Goreyê New York Timesî lîderê Îranî Alî Hamaneyî eke bikişîyo herinda xo de hîrê kesî sey namzedî weçînayê.

Hetê bînî ra roja yewşemeyî Îranî tewr tay 35 fuzeyî eştî Îsraîlî. Hêrişan de qasê 18 kesî birîndar bîyî.