Artêşa Îsraîlî pare kerd ke tesbîtkerdişê fuzeyanê Îranî ra dima sîrenê alarmî roja sêşemeyî her cayê Îsraîlî de eşnawîyayî. Sîrenan ra dima Tel Avîv û Qudus de teqayîşê çetinî qewimîyayî.

Hêrişanê peyênan ê Îsraîlî de Fermandaro Pêroyî yo newe yo Îranî Elî Şedmanî zî kişîya. Şedmanîyo ke nêzdîyê Hamanayî bîyo sey fermandarê îstîsnayîyî xebitîyayêne. Heta nika xeylê leşkerê payeberzî yê Îranî hêrişanê Îsraîlî de kişîyayî.

Şero ke hêrişanê Îsraîlî de dest pêkerdo roja 5ine de ya. Goreyê eşkerayîyanê fermîyan heta nika Îran de 224 kesî merdê û tewr tay hezar kesî birîndar bîyê. Goreyê hûmaranê peyênan ê fermîyan Îsraîl de zî tewr tay 24 kesî merd ê.

Serekwezîrê Îsraîlî Bejamin Netanyahuyî roportajêk da ABCyî û vat ke heta ke lîderê Îranî Ayetullah Alî Hamaney nêro kiştene şer do nêqedo.

Serekanê G7î waşt ke wa sivîlî bêrê pawitene.