4 rojnamegerê ke 13ê hezîrane de çarçewa tehqîqatêkê Artvînî de Îstanbul de ameybî destbendkerdene, bi bahaneya ‘endamîya rêxistine’ tepişîyayî.

Rojnamegerî pereyê telîfê xeberanê xo, pêvînayîşanê bi telefonî û karanê bînan ê rojnamegerîye ra ameyî sûcdarkerdene.

Nameyê çar rojnamegeran wina yê: Kedkarê keyepelê Sendika.Orgî Ozan Cîrîk, rojnamegere Dîcle Başturk, rojnameger Yavuz Akengîn û Emel Yilmaz.

Semra Melek û Melîsa Efe yê ke pa 4 rojnamegeran ameybî destbendkerdene bi şertê kontrolê edlîyî vera dîyayî.