HPGyî nasnameyê 4 şehîdan eşkera kerdî
HPG-BÎMî şehîdê Zapî yad kerdî û vat: ‘’Embazanê ma bi tewrbîyayîşê xo yê fedayîyî têkoşînkerdiş sey mefteyê serkewtişî dî, şertanê zehmetan de zî têkoşînê azadî û estbîyayîşê şarê ma ra tawîz nêda.’’
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî (HPG-BÎM) nasnameyê 4 şehîdanê Zapî eşkera kerd. Eşkerayîye wina ya:
‘’Embazê ma Rojerya, Bager, Dîren û Rêber 12ê gulana 2017î de Zap de şehîd bîyî. Ma nînan bi rêz û minetî yad kenê.
Nê embazanê ma bi tewrbîyayîşê xo yê fedayîyî têkoşînkerdiş sey mefteyê serkewtişî dî, şertanê zehmetan de zî têkoşînê azadî û estbîyayîşê şarê ma ra tawîz nêda. Ma soz danê ke bibê layîqê vîrameyîşê embazanê xo yê Apoyîyan bibê û verê vîrameyîşê înan de bi rêzî sereyê xo anê war.
Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma ancî soz danê ke armancanê şehîdanê xo bîyarê ca û têkoşînê înan ê azadîye ser bivisnê.
Nasnameyê embazanê ma yê şehîdan wina yê:
|
|
Nameyê Qodî: Rojerya Şînda |
|
|
Nameyê Qodî: Bager Bagok |
|
|
Nameyê Qodî: Dîren Çaldiran |
|
|
Nameyê Qodî: Rêber Cîlo |
Embaza ma Rojerya keyeyêkê serhedijî de Wan de dadîya xo ra bena. A hêverî tewra xebatanê ciwanan bena û 2014 de Botanî ra tewra gerîlayan bena. A Herêmanê Pawitişî yê Medya de perwerde vînena. Embaza ma vera DAÎŞî zî şer kena û dima agêrena koyan. Embaze Rojerya bi fedakarî, bêtersî û cesaretê pîlî tewra çalakîyanê serkewteyan bena û derbanê giranan dana dişmenî ro. Embaza ma heta şehadetê xo mîsyonê serkêşîye ana ca.
Embaz Bager Mêrdîn de dadîya xo ra beno. O hêverî tewra xebatanê ciwanan beno û dima 2012 de Vakurê Kurdîstanî ra tewrê gerîlayan beno. Embazê ma Herêmanê Pawitişî yê Medya de perwerde vîneno. Embazê ma Zap de têkoşînêkê xurtî keno, derbanê giranan dano dişmenî ro û erk û mesuldarîyanê xo bi serkewtişî ano ca. O bi kesayetê xo yê nefsqijî û kamilî beno milîtanêko Apoyî.
Embazê ma Dîren Wan de dadîya xo ra beno. O tim wazeno ke bibo gerîla û 2013 de nê xeyalê xo ano ca. Embazê ma Dîren Herêmanê Pawitişî yê Medya de perwerde vîneno. Embazê ma cade bi coşî tewrê xoverdayîş û têkoşînê tarîxîyî beno. Embazê ma erk û mesuldarîyanê xo bêkêmasî ano ca. Embazê ma Dîren beno gerîlayêko bêters û şehîd beno.
Embazê ma Rêber keyeyêkê Colemêrgijî de Mersîn de dadîya xo ra beno. O 2010 de xebatanê welatperwerîye ra tepişîyeno, di serrî zîndan de maneno. Dima 2014 de tewrê gerîlayan beno û Herêmanê Pawitişî yê Medya de perwerde gêno. Embazê ma Zap de tewrê xoverdayîşê destanwarîyî beno. O derbanê giranan dano dişmenî ro û keno ke qesasê şehîdan bigêro.’’
