Rojnameger-nuştox Veysel Avciyo ke 30 serran ra dima zîndanî ra vejîyayo, ajansê ma rê qalê ‘Vengdayîşê Haştîye û Komelê Demokratîkî’ yê Rayber Apoyî û qewimîyayîşanê peyê ney kerd.

Avciyî vist vîrî ke meseleya kurdan bi se serrî yo dewam keno û haştîye tena kurdan rê ney her kesî rê lazim a. Avciyî vat: ‘’Her kes gêreno haştîye. Eke dewlete seba haştîye game nêerza meseleya kurdan çareser nêna çareserkerdene. Haştîye tena mseleya kurdan nîya. Eke dewlete demokrasî wazena neçare ya ke na mesele çareser bikera.

Birêz Ocalanî vengdayîşêko tarîxî kerd. PKKyî kongreya xo arê daye û bira feshkerdişî daye. Hinî ganî dewlete bi cidîyetî nêzdîyê na mesele biba. Ganî dewlete na destê haştîye bitepişa. Mîyanê komelî de qesawet est o. Ganî dewlete nê qesawetî werte ra wedarna. Dewlete ganî cade gamanê hewceyan bierza, qanûnan amade bikera.’’