Wan de serkêşîya Komeleya Cinîyan a Starî, OHD, ÎHDyî de ‘Torra Têkoşînê Vera Şîdetî’ ronîyaye û veng dîya. Îlanê Torra Têkoşînê Vera Şîdetî Salona Konferansî ya Tahîr Elçîyî ya Baroyê Wanî de bi eşkerayîyêke ame kerdene.

Komeleya Cinîyan a Starî ra Leyla Abukan eşkerayîye wende.

Endama Komeleya Cinîyan a Starî Leyla Abukan venga pêro kesan û cinîyan da ke vera şîdetê camêrdan têkoşînê hemparî bikerê. Leyla da zanayene ke seba têkoşînê vera şîdetî înan torrêka winayêne awan kerda.

Eşkerayîye de derheqê hemkarîya têkoşînê vera şîdetî, metodanê têkoşînî de agahîyî dîyayî.