Serekwekîlê DEM Prtî Sezaî Temellîyî meclîs de derheqê averşîyayîşanê aktuelan de eşkerayîya çapemenîye daye.

Sazaî Temellîyî ke hêrişê Îsralîl û Îranî yê vera yewbînan erjnayî vat,"No şer gerek helêke cuwa ver bêro vidnarnayene. Gerek no sîstemo ke serê dîn û nasnameyan serî ra komelan keno cîya û dano şerkerdene hinî biqedîyo. Îran û Îsraîl zî tede heme rejîmanê otorîteran ê herême wexto derg Rojhelanê Mîyanênî açarna cehnemî. Çareserîye komelo demokratîk de ya, çareserîye haştîya topyekune de ya." 

Serekwekîlê DEM Partî Sezaî Temellîyî bale ante vengdayîşê tarîxîyî yê Rayber Apoyî ser û nê vatî: ‘’No manîfestoyêk o. Eke meseleya kurdan bêro çareserkdene û haştîya mendî bêro înşakerdene, şarê herême xelisîyeno. Tirkîya polîtîkaya xo ya teberi de xeylê wext xeletîye kerde, coka inkey rîskê ci zaf ê. Vera nê rîskan hêzê ma haştîye ya, komelo demokratîk o. Ma reyna veng danê şarê Tirkîya: Paştî bidê vengdayîşê komelê demokratîkî. Wîna qeyde çarserîya ke ma do Sûrîye, Iraq û heme herême de pê bîyarê, do ameyoxê şaranê Rojhelatê Mîyanênî bixelisno.’’

Sezaî Temellîyî wina dewam kerd: ‘’Badê qerarê feskerdiş û ronayîşê çekan ê PKKyî  gamê ke gerek bêrê eştene nêameyî eştene. Inkey wextê ci yo ke înîsîyatîf bêro girewtene û game bêro eştene.Serekê Meclîsî Numan Kurtulmuşî vat o do na babete înîsîyatîf bîgîro. Gerek cade meclîs de komîsyonêk bêro ronayene. Wezîfeyê ma yo verên meclîs de ronayîşê komîsyonî yo. Na game têna haştîya Tirkîya nêana, eşkena Îsraîlî vindarno. Ma qala çîyêkî wina pîlî kenê. Çunke eke mabênê kurdan û tirkan de famê komelê demokratîkî bêro înşakerdene,no semedê çareserîya pêro mesele zaf muhîm o. Gerek cadê xebatê ronayîşê komîsyonî bêrê destpêkerdene.’’