Dîwanê Hemserekîye yê KONGRA-GELî bi eşkerayîyêke Hetkara Hemserekanê KONGRA-GELî Raperîne Ameda ke 17ê hezîrana 2022yî de hêrişê dewleta tirke de şehîd bibî yad kerde.

KONGRA-GELî vat: ‘’Embaze Raperîne serkêşîya sîstemê komelkîyî yê demokratîkî kerd. Aye kedêka pîle daye rêxistinkerdiş û perwerdekerdişê meclîs û komunan. Eke a biciwîyayêne seba caardişê Vengdayîşê Haştîye û Komelê Demokratîkî yê Rayber Apoyî zaf xîret kerdêne. La ma seba ke xeyal û armancê şehîdanê xo bîyarê ca ganî qeyî komelê demokratîkî înşa bikerê.

Pêro şert û mercî mojnenê ke wextê azadbîyayîşê Rayber Apoyî ameyo. Ma do serkêşîya prosesê haştîye bikerê û bi nê hawayî bieşkê bibê layîqê şehîdanê xo.

Ma şexsê embaze Raperîne de pêro şehîdanê xo bi rêz û minetî yad kenê. Ma soz danê ke bibê perwerê vîrameyîşanê înan.’’