Temsîlkara KNKyî Nîlufere Koç vat: “Eke Tirkîya nê prosesî raşt mewano, ê ke vînî kenê kurdî nîyê. Têna paradigmaya Rayber Apoyî eşkena Rojhelatê Mîyanênî tengayîya şerî ra bixelisno. ”
Bajarê Frankfurtî yê Almanya de komeleya kurdan de çarçewaya Vengdayîşê Haştîye û Komelê Demokratîkî yê Rayber Apoyî yê 27ê sibate de bi tewrbîyayîşê Temsîlkara Kongreya Neteweyîye ya Kurdîstanî (KNK) Nîlufere Koç têhetameyîşê şarî ame organîzekerdene.
Nîlufere Koç bale ante muhîmîya paradigmaya Komelê Demokratîkî ya ke 27ê sibate de ameye îlankerdene ser, şerê Îsraîl-Îranî nîşan da û vat “Têna paradîgmaya Rayber Apoyî eşkena Rojhelatê Mîyanênî tengayîya şerî ra bixelisno. ”
Nîlufere Koç persê tewrbîyayoxanî yê sey “Feskerdişê PKKyî yeno çi mana? ” û “Rojhelatê Mîyanênî de rolê kurdan do çi bo? ” cewab kerdî.
Nîlufere Koç bale ante şerê Rojhelatê Mîyanênî ser ke çend şino xidar beno û vat nê prosesî de zaf firsetî vejîyenê verê kurdan. Nîlufere Koçe vat: “Çareserîya meseleya kurdan paradigmaya Komelê Demokratîkî ya. Eke Tirkîya nê prosesî raşt mewano, ê ke vînî kenê kurdî nîyê. ”
