Badê vengdayîşanê Rayber Apoyî yê "komelê demokratîkî" û "haştîya komelkîye" xeylê waran de xebetan dest pêkerd.Vakurê Kurdîstanî de xebatê cinîyan ke nê semedî ra yenê kerdene, bale ancenê xo ser. Cinîyan ke bi hedefê "Ronesansê cinîyan" dest pê xebetanê xo kerd û serkêşîya prosesê haştîye kenê, morê xo danê binê xebetanê hemparan ê çar parçeyan ro. Nuqtaya yewîya neteweyîye de Parlamenteran ê Cinîyan ê Kurdan konferas organîze kerd. Konferanso ke netîceyê muhîmî tira vejîyayî, semedê caardişê yewîye qerarê têkoşînê hemparî ame girewtene.

Aktîvîsta Tevgera Jinên Azad (TJA) û Wekîla HDPyî Gulsere Yildirima ka tewrê konferansî bîye, bale ante muhîmîya yewîya cinîyan ê kurdan û têkoşînê hemparî ser û vat: “Na game kewte erey la gamêka zaf muhîm bî. Dejê ke çar parçeyanê Kurdîstanî de ameyî ciwîyayene hinî gerek bi hîssgêrîya hempar û tewirê hemparî bêrê destgirewtene.” 

Gulsere Yildirim bale ante muhîmîya yewîya kurdan ser û nê vatî: “Ma pêrune qala zulmê vera kurdan, zextê vera cinîyan û têkoşînê vera nê zulmî kerd. Mas ey cinîyan parlementeran ê kurdan derheqê cinîyan ke Îran de yenê îdamkerdene kerd. Ma vat ma senî eşkenê vera nê têbigêrê. Na têna meseleya Îranî nîya, meseleya pêro şarê kurdî ya. Ma yewbînan ra berpirsîyar ê,gerek ma vera averşîyayîşan nêrazîbîyayîşê hemparî bidê. Ma nînan ser kerd pêsere. Ma qerarê xurtkerdişê zemînê têkoşînê hemparî girewt. Vernîyazê komîteya hempare ame kerdene. No konferans sey gama verêne muhîm bi û hêvî dano. Ma wazenê yew zemînî, yew cuye ronê ke pêro dîn, şar, nasname û rengî bieşkê tede kulturanê xo biciwîyê. Semedê nê gerek çew hêvîdar bo. Gerek çew na geme wirdî nêvîno, eqsê ci de girdêr bikero. Eke Rojawan ma eleqedar keno gerek ma semedê cinîyan ke Rojhila de yenê îdamkerdene, zî hîsgêr bê. Kurdî gerek cuyeyêka hempar û zemînê azadîye têkoşîn bikerê. Hêvîya ma est a la hêvî qîm nêkena. Gerek ma xo rêxistin bikerê, bixebitê û yewîya xurtêr bikerê."